көгентой

зат. этногр. Қой қоздап бітіп, қозыларды көгендер алдында өткізілетін кішігірім той-томалақ. Көгенге қатысты ырым-тиымдардан басқа дәстүрлі ғұрыптар да жетерлік. Соның бірі – к ө г е н т о й (Қаз. этнография., 3, 153). Әдетте, әлауқаты жақсы, малды адамдар к ө г е н т о й кезінде өздеріне қолғабыс жасаған кісілердің балаларына қозы-лақ береді (А. Нүсіпоқасұлы, Ағаш бесік., 3, 120). К ө г е н т о й ғ а келгендер көген бұршақтары мен қазықтарға ақ жағып, бата-ырым жасайды (Бұл да, 5, 44).